Тоқтаңыз
Бірінші ереже — ескі микроқарыздарды өтеу үшін жаңасын алмау. Әр жаңа қарыз пайыз бен комиссия қосады, ал жалпы қарыз сіз төлеп үлгергеннен тезірек өседі.
Тізім жасаңыз
Барлық МҚҰ-ды, сомаларды, мерзімдерді және мерзімі өткен берешекті жазып шығыңыз. Кредиттік есеп ұмытып кеткен қарыздарды да көрсетеді. Сонда нақты жағдай көрінеді.
МҚҰ-мен келісіңіз
МҚҰ да банктер сияқты қарыз алушылардың шарт талаптарын өзгерту туралы өтініштерін қарауға міндетті. Кейінге қалдыруды, бөліп төлеуді немесе тұрақсыздық айыбының бір бөлігін кешіруді сұрауға болады. Өтінішті жазбаша беріп, жауабын сақтаңыз.
Құқықтарыңызды біліңіз
Заң микроқарыздар бойынша артық төлем мөлшерін шектейді және коллекторларға қорқытуға, қорлауға және адастыруға тыйым салады. Бұзушылықтар туралы Қаржы нарығын реттеу және дамыту агенттігіне (ҚНРДА) шағымдануға болады.
Банкроттық қашан көмектеседі
МҚҰ алдындағы қарыздар да банк кредиттері сияқты банкроттық арқылы есептен шығарылады. Қарыз аз болып, мүлік болмаса, мұны eGov арқылы сотсыз жасауға болады.
